Smilande benk

Smilande benk

Mannen som bur nedi lia
må tydeligvis ha merkt seg
at "møbler av plast
har eg elles lite til overs for".

Der to kvite plaststolar stod i fjor

står i år ein solid trebenk.
Ny å sjå til. I alle fall nymåla.
Glinsande grøn.

Kan ein benk smile ?

Denne benken kan.

Da mannen ommøblerte
her på bakketoppen
må han ha smilt i skjegget.
Og smilen blanda seg med grønmålinga
så no står benken og smiler med heile seg.

Og eg som går og set meg der
smiler tilbake med heile meg.

                                     - Halldis Moren Vesaas